هادا واحد فضولي بزاف.. قالوا ليه : نعطيوك نص مليون د الدرهم.. أوما تبقاش تدخل راسك ف كل حاجة... قاليهم : واخا... ولكن نص مليون لاخور شكون غادي ياخدو ؟
واحد الشفار سرق واحد الدار.. فاش كان خارج شافو واحد الولد صغير قاليه الولد سرق الشكارة أو الكتوبا حتى هوما أولا نغـوت
واحد المكلخ قال لصاحبو : الحمد لله ملي ما تزاديتش فالميريكان قاليه صاحبو وعلاش؟
قاليه المكلخ : تسطيتي أولا مالك ؟ أصاحبي ما كنعرفش نهدر النجليزية
واحد المبوق حكموا عليه بالإعدام قالوا ليه : أشنو آخر حاجة كتمناها؟ قاليهم : كنتمنى هاد الشي يكون ليا درس ف المستقبل
هادا واحد المبوق عينيه خارجة قاليه واحد الراجل : مال عينيك خارجة ؟ قاليه المبوق : لا غير أنا اللي راجع اللور
واحد مكلخ مشى عند طبيب نفساني أوقاليه : دكتور، كتجيني واحد الحالة فشكل كنهدر مع الناس وما كنشوفهومش
قاليه الطبيب: وإيمتا كتجيك هاد الحالة؟
قاليه المكلخ : ملي كنهدر ف التلفون
واحد المبوق بغى يسيفط مـيـسـاج لمراتو كتب ليها : إلـى أرق وأعـذب و أحـلـى وأجـمـل وأكـرم وأشـرف وأحـمـد وابـراهـيـم
وحـسـن والـدراري كامـلـيـن الله يـحـفـظـكـم!!
هادا واحد خينا مكلخ كان غادي ف السوق مع مراتو شوية تودرات عليه مرتو وبدى كيقلب عليها مشى كيدور ف السوق وكيسول الناس: ما بانتش ليكم واحد المرا أنا ما غاديش معاها؟
هادا واحد مكلخ ضرباتو طوموبيل، ناضو عطاوه مية ألف ريال تعويض من بعد، مشى للمحطة ووقف فالسكة ديال التران،
أو قال : أراك للملايين
واحد قال لصاحبو مبوق عرفتي أنا إيلا شربت القهوة ما كنقدرش ننعس قاليه المبوق : أنا العكس ديالك، إيلا نعست ما كنقدرش نشرب القهوة
هادو جوج مبوقين، ناض واحد فيهم كيفهم على صاحبو
قاليه : قول ليا مع من مصاحب نقول ليك شكون نتا
قال ليه صاحبو : مع من مصاحب؟
قال ليه المبوق : شكون نتا؟
هادا واحد مبوق سول صاحبو: فين تولدتي؟
قاليه صاحبو : ف السبيطار
قالي المبوق : مالك أصاحبي كنتي مريض؟
واحد خرجوه من الامتحان ديال الرياضيات، علاش؟
لقاوه كاتب جدول الضرب مورا الكالكيلاتريس
واحد الغليض مشى عند الطبيب وقال ليه : بغيت ندير ريجيم، تقهرت بهاد الغلض
قال ليه الطبيب : كول نص خبزة ف الفطور، ونص خبزة ف الغدا، ونص خبزة ف العشا
قال ليه الغليض : واش قبل الماكلة أولا بعد منها؟
هادا واحد المبوق، ملي كيضرب البرق،
كيفرنس كيصحاب ليه كيصوروه
واحد مبوق قاعد قدام التلفزة وكيضحك قاليه صاحبو : مالك؟
قاليه المبوق : دابا هادي تلفزة، أو ملي كنسد عيني، كتولي راديو
